Sutkinja Suda za prekršaje u Budvi – odjeljenja u Kotoru, Ivana Vukasović, jutros je u hitnom postupku Z.K. (1983) iz Risna izrekla kaznu zatvora od deset dana zbog nasilja nad bivšom ženom.
“Okrivljeni je prethodne večeri bivšoj supruzi prijetio i verbalno je vrijeđao pred maloljetnom đecom. Zbog okolnosti koje su ukazivale da okrivljeni može ponoviti prekršaj, sutkinja je odlučila da se okrivljeni odmah po izricanju odluke uputi na izdržavanje zatvorske kazne u UIKS Spuž”, navodi se u saopštenju Suda.
Okrivljenom je izrečena i zaštitna mjera zabrane približavanja bivšoj supruzi u trajanju od šest mjeseci, koja stupa na snagu po izdržanoj kazni zatvora.
