Podgoričko Osnovno državno tužilaštvo odredilo je zadržavanje do 72 sata S.R. zbog sumnje da je udarao suprugu u predjelu glave i tijela, čupao je za kosu i prijetio joj.
“Osumnjičeni je lako tjelesno povrijedio suprugu tako što joj je zadao više udaraca otvorenim i zatvorenim šakama u predjelu glave i tijela,čupao je za kosu,hvatao rukama za bradu, upućivao joj prijetnje, a istog dana dok su se nalazili u kući njenih roditelja, zadao joj je više udaraca u njihovom prisustvu”, navode u saopštenju ODT-a.
Njemu je određeno zadržavanje zbog osnovane sumnje da je učinio krivično djelo nasilje u porodici ili porodičnoj zajednici.
