Mještani Botuna obratili su se redakciji portala ADRIA istakavši da su večeras tokom obilaska gradilišta postrojenja za prečišćavanje otpadnih voda bili legitimisani od strane pripadnika Uprave policije.
Oni su naglasili da nisu pravili bilo kakve incidente, te poručili da ne razumiju ovakav pristup organa javnog reda i mira.
Nakon što su legitimisali, kako navode, dokumenta su im vraćena i niko nije zadržan, ali naglašavaju da negoduju zbog ponašanja policije.
„Čim vide da je na terenu pristutna veća grupa mještana, odmah se pojavljuju marice, interventni vod, ali i inspektori. Kada je na licu mjesta manja grupa obično nas ne legitimišu, ali ne vidimo razlog za ovakvo postupanje“, kazao je za Portal Adria jedan od mještana.
