Evropska fudbalska unija (Uefa) kaznila je danas Bajern iz Minhena i Seltik zbog uvrijedljivih transparenata navijača na mečevima Lige šampiona.
Navijači Bajerna istakli su transparent sa uvrijedljivim sadržajem u znak protesta zbog cijene ulaznica od 70 eura koju su morali da plate protiv Plzenja u Češkoj 12. oktobra.
To je maksimalna cijena po propisima Uefa koja gostujućim navijačima može da se naplati na mečevima Lige šampiona.
Uefa je kaznila Bajern sa 15.000 eura zbog disciplinske optužbe za “provokativnu poruku uvrijedljive prirode”.
Seltik je kažnjen sa 17.500 eura zbog drugog disciplinskog slučaja ove sezone u kom su njegovi navijači istakli slogan protiv britanske monarhije.
Na transparentu koji su istakli navijači Seltika na meču Lige šampiona protiv Lajpciga 11. oktobra pisalo je: “Protiv gladi i krune”.
Seltik ima istorijske veze sa republikanskim pokretom u Irskoj i mnogi navijači se tradicionalno protive britanskoj monarhiji.
