Beživotno tijelo ženske osobe pronađeno je danas oko 16 sati na plaži u naselju Donja Lastva u Tivtu.
Prema tvrdnjama očevidaca, nošeno talasima i strujom koji su ga donijeli u blizinu obale, tijelo je plutalo leđima okrenuto prema površini vode, sa glavom ispod nivoa mora, pišu Vijesti.
Ljudi koji su se zatekli na plaži su pomislili da je nekom od kupača pozlilo i pohitali su u pomoć.
Međutim, žena već tada nije davala znake života pa su uzaludni bili napori spasilaca koji su je izvukli iz mora na obalu i pokušali je reanimirati.
Prema nezvaničnim informacijama, na glavi preminule žene primjetna je veća rana.
