Najmanje četiri osobe poginule su u poplavama nakon oluje koja je pogodila regiju Nova Engleska u SAD.
Muškarac u Pensilvaniji i žena u Južnoj Karolini poginuli su nakon što su njihova vozila završila u dubokoj vodi. Još dvoje ljudi poginulo je kada su pala stabla u Mejnu i Masačusetsu.
Juče je 58 miliona Amerikanaca dobilo upozorenje na poplave usred velike oluje na Istočnoj obali.
Oluja je bez struje ostavila više od 620.000 domova i poslovnih prostora u regiji. Najviše prijava nestanka struje bilo je u Mejnu, gdje je 432.000 ljudi ostalo u mraku.
Zbog poplava su zatvorene neke škole u tom dijelu Sjedinjenih Država.
Iako se oluja preselila u Kanadu, njen uticaj će se “zadržati”, navodi Nacionalna meteorološka služba.
U dijelovima Njujorka i Pensilvanije mogao bi da padne snijeg, dok prijetnja od poplava ostaje u područjima s visokim vodostajima rijeka.
(RTS)
