Češka tenisera Petra Kvitova osvojila je danas titulu na turniru u Istbornu, pošto je u finalu pobijedila Letonku Jelenu Ostapenko sa 6:3, 6:2.
Kvitova je osvojila 29. titulu u karijeri, a prvu poslije više od godinu dana i trijumfa u Dohi.
Ovo je bilo drugo finale Čehinje u Istbornu nakon što je prvo 2011. godine izgubila, samo nekoliko nedjelja prije nego što je osvojila prvu od svoje dvije titule na Vimbldonu.
Čehinja je odlučujući brejk u prvom setu napravila u drugom gemu, da bi poslije dvije propuštene šanse u osmom, iskoristila treću set loptu u devetom gemu.
Od 1:1 u drugom setu, Kvitova je vezala četiri gema prije nego što je slavila sa 6:2.
Dvostuka šampionka Vimbldona će u prvom kolu trećeg grend slem turnira u sezoni igrati protiv Italijanke Jasmine Paolini.
