Policija je izvukla tijelo ženske osobe (1961) koja je sa bebom primijećena u Morači, ispod mosta Blaža Jovanovića u centru Podgorice oko 11:20 sati. Kako su kazali Portalu RTCG u OKC-u, beba je izvučena iz rijeke i upućena u Institut za bolesti djece.
Kako portal Javnog servisa nezvanično saznaje iz policije, beba je van životne opasnosti. Nju su iz rijeke izvukli građani.
Iz policije navode da im je prijavljeno oko 11 sati i 20 minuta da su u vodi kod Blažovog mosta primijetili ženu sa djetetom. Dijete je izvučeno iz vode živo i prevezeno u Urgentni centar, a izvučeno je nešto kasnije i beživotno tijelo njegove babe.
Utvrđuju se okolnosti ovog događaja.
