Hrvatski košarkaš Lovro Gnjidić (21) novi je igrač Cedevita Olimpije, potvrdio je danas klub.
Nesuđeno pojačanje Mornara u slovenački klub stiže iz Cibone, u kojoj je proveo čitavu svoju karijeru.
Mladi košarkaš i Cedevita Olimpija dogovorili su dvogodišnju saradnju.
“Radujem se dolasku u Cedevita Olimpiju. Mislim da je to korak napred u mojoj karijeri. Znam da su treninzi sa trenerom Golemcem odlični, i moj cilj je da napredujem”, izjavio je Gnjidić po dolasku u Ljubljanu.
U prošloj sezoni Gnjidić je za Cibonu odigrao 25 utakmica u ABA ligi. Prosječno je proveo 21,6 minuta na parketu, i bilježio je 5,6 poena, 3,8 asistencija i 2,7 skokova prosječno po meču.
