Ministar odbrane Bratislav Gašić demantovao je informaciju koje su prenijeli pojedini domaći i regionalni mediji, da ugovor sa kompanijom “Daso” o nabavci 12 novih aviona “Rafal”, navodno sadrži klauzulu o transferu srpskih “migova” u Francusku i njihovoj kasnijoj isporuci Ukrajini.
“Riječ je o još jednoj u nizu notornih laži i izmišljotina koje isključivo imaju za cilj da bace sjenku na nabavku 12 potpuno novih višenamjenskih borbenih aviona tipa ‘Rafal’ četvrte generacije. Migovi koje Srbija posjeduje su srpski i nikada ih nikome nećemo dati”, rekao je Gašić, navodi se u saopštenju Ministarstva odbrane Srbije.
“Srbija se, ni u kom slučaju, neće odreći svojih ‘Migova 29’ koji će još izvjestan broj godina biti i te kako upotrebljivi. Štaviše, nastavićemo sa nabavkama savremenih borbenih sredstava sa ciljem jačanja sposobnosti Vojske Srbije i očuvanja mira i stabilnosti”, naglasio je Gašić.
