Francuski biciklista Arno Demar pobijedio je danas na šestoj etapi trke Điro d’Italija, vožene od Palmija do Skalee.
Dionicu dugu 192 kilometra Demar je izvozio u vremenu od 5:02.23 sati.
Drugo mjesto je zauzeo Australijanac Kaleb Juen, dok je treći bio Britanac Mark Kevendiš.
Vodeći u generalnom plasmanu je Španac Huan Pedro Lopes sa 39 sekundi prednosti u odnosu na Njemca Lenarda Kamna. Na trećem mjestu je Finac Rein Taramae sa zaostatkom od 58 sekundi za vodećim Lopesom.
Sljedeća, sedma etapa, dužine 196 kilometara, na programu je sjutra, i voziće se od Diamantea do Potence.
