Karlos Alkaras osvojio je večeras titulu na Mastersu u Madridu – deveti teniser svijeta je u finalu pobijedio trećeg igrača na ATP listi, branioca titule, Njemca Aleksandera Zvereva sa 6:3, 6:1, za 63 minuta igre.
Alkaras je, tako, stigao do svoje druge masters titule u karijeri, pošto je ove godine slavio i na Mastersu u Majamiju. Sa ukupno četiri trofeja, postao je teniser sa najviše titula u 2022. godini.
🏆 C H A M P I O N 🏆
🇪🇸 @alcarazcarlos03 claims his second ATP Masters 1000 and becomes the player with the most titles this season (4).@atptour | @ATPTour_ES | #MMOPEN pic.twitter.com/0dpjhp0FcV
— #MMOPEN (@MutuaMadridOpen) May 8, 2022
Brejk u šestom gemu bio je dovoljan 19-godišnjem španskom igraču da dođe do vođstva u setovima.
U drugom setu Alkaras je napravio tri brejka za pobjedu nad njemačkim teniserom, koji je branio titulu u Madridu.
Una escena que recordaremos siempre 😍
Inmejorable manera de celebrar el 2⃣0⃣ aniversario.
🎥 @TennisTV | @alcarazcarlos03 | #MMOPEN pic.twitter.com/kyiT1i5fjq
— #MMOPEN (@MutuaMadridOpen) May 8, 2022
Devetnaestogodišnji Alkaras je pobjedom postao drugi najmlađi igrač sa dvije masters titule. Rekord i dalje drži Španac Rafael Nadal, koji je 2005. osvojio titule u Monte Karlu i Rimu sa 18 godina.
Na putu ka tituli, Alkaras je između ostalih, pobijedio Nadala u četvrtfinalu i Novaka Đokovića u polufinalu.
Od ponedjeljka Alkaras će zauzimati šesto mjesto na ATP listi.
