Nakona poraza od Širokog, prvog u sezoni, košarkaši Sutjeske su se vratili na pobjednički kolosjek.
U posljednjem meču na drugom “balonu” ABA2 lige u Sarajevu, Sutjeska je danas savladala Vrijednosnice iz Osijeka 73:63.
Nakon drugog “balona” Sutjeska u ABA2 ligi ima učinak od četiri pobjede i jednog poraza.
Prvo poluvrijeme je bilo izjednačeno, ekipe su se smjenjivale u vođstvu i Sutjeska je otišla na pauzu sa dva poena prednosti – 35:33.
U drugom poluvremenu je Sutjeska je poslije trojke Andreja Vulevića kompletirala seriju 7:0 i prvi put stekla dvocifrenu prednost – 47:36.
Do kraja meča je ekipa uvećavala prednost, nakon poena Miloša Koprivice imala i plus 21 (69:48) i rutinski stigla do pobjede.
Najefikasniji je bio Miloš Koprivica sa 25 poena i devet skokova. Andrej Vulević je imao 11 poena i šest asistencija, a Vladimir Tomašević 11 poena i šest skokova. Miloš Popović je imao dabl-dabl učinak – 10 poena i 11 skokova, a dvocifren je bio i Milan Lužaić (10).
