Premijer Milojko Spajić najavio je novi vladin model povećanja zarada “Euro model” koji će se primjenjivati od januara 2027. godine, a koji podrazumijeva rast minimalne zarade za zaposlene na radnim mjestima sa osnovnim i nižim obrazovanjem na 1.000 eura, za zaposlene na radnim mjestima sa srednjim obrazovanjem na 1.250 eura, dok će minimalna zarada za radna mjesta sa visokim obrazovanjem iznositi 1.400 eura.
Obuhvat programa je za više od 250.000 zaposlenih.
Pored ovoga, dodatno povećanje zarada će se desiti i ukoliko socijalni partneri prihvate zahtjev Vlade da se povećanje obračunske vrijednosti koeficijenta jednako primjeni na javni i privatni sektor.
Penzije će se od 2027. usklađivati četiri puta godišnje. Aprilske prosječne penzije će porasti preko 600 eura. Minimalna penzija će preći cifru od 500 eura.
Dodatno, u decembru svaki penzioner dobija dodatnih 100 eura za zimu.
Vlada je ovaj model usvojila na današnjoj sjednici i biće proslijeđen Skupštini Crne Gore.
